سشانت سنگھ راجپوت معاملے میں ڈرگس سے جڑی بات سامنے آنے کے بعد نارکوٹکس کنٹرول بیورو (این سی بی )نے کیس درج کرلیا ہے۔
بیورو نے ریاچکروتی، شووک چکرورتی ، جیا شاہا ، شروتی مودی اور گورو آریا کے خلاف کیس درج کیا ہے۔ سبھی پر نشیلی دواؤں اور انسداد منشیات ایکٹ این ڈی پی ایس کی مختلف دفعات نافذ کی گئی ہیں۔
اب این سی بی کی ٹیم جانچ کے سلسلے میں ممبئی جائے گی ۔ اس معاملے کی جانچ دہلی زونل ڈائریکٹرر آئی پی ایس کے پی ایس ملہوترا کی ٹیم کرے گی۔ ریاچکروتی پر سشانت کو ڈرگس دینے کا الزام ہے۔ اداکارہ پر خود بھی ڈرگس لینے اور ڈیل کرنے کا الزام ہے۔
انفورسمنٹ ڈائریکٹوریٹ (ای ڈی ) نے اداکار کی گرل فرینڈ ریا چکروتی سے پوچھ گچھ کی تھی اور اسی دوران ڈرگس سے جڑی اور کچھ حقیقت سامنے آئی تھی ۔ ای ڈی کو ریا کے فون سے ڈیلیٹ کئے گئے واٹس ایپ میسج ملے ہیں جن سے مبینہ طور پر ممنوعہ منشیات کے سودے کے اشارے ملے ہیں۔حکا م نے بتایا کہ ریا سے منشیات کے ان مشتبہ ڈرگس کے سودے کے بارے میں ای ڈی نے پوچھ گچھ کی ہے اور ان الزامات کے حوالے سے ریا کا بیان ریکارڈ کیا گیا ہے۔
from Qaumi Awaz https://ift.tt/31x7Bxa
0 Comments